I dies cumandament

...fonti MOOLTO apocrife dal deserto di Giudea...
(ritrovamento del 01/03/2008)

I dies cumandament

Dopu averagh fat far la Minciomarcia in lung’al desèrt, Dio al ciàma Mosè e’gh dis: “Mosè! Rampa in sal Sinai c’at daghi al libar da catechismo! S’èt cuntent!!??”

“Sarìa pusè cuntent sa t’am desi dal Cicatrene, con tuta la strada a pe ca ta m’è fat far, a g’ho’dle psìghe in si calcàgn cle par di balon ad Pilàtes!”

“Dai valà, mesa pìpa! As ved ca t’è mia fat al suldà!” - agh dis al Padreterno – “Sbùsat le psighe cun la gùcia e lasa dentar al fil d’imbastìr, po metat du ceròt e via andare!!”

Putòst che caminàr ancùra, Mosè l’avrìa preferì ciapàrle, ma ‘s fa curàgio e’l part. Quand al riva in sla punta dal munt, Dio al ga slùnga an fòi cui diés cumandament:

1) Io sono il Signore Dio tuo, serca da far bèl, parchè cum’ a t’ho fat at dìsfi !

2) Mia tiràr madòne!

3) Va a messa tute le dumèniche!

4) Va a catàr tu padar e tu madar e mia métari al ricovero!

5) Mia cupàr!

6) Sta mia far al gugiòl!

7) Mia rubàr!

8) Sta mia cuntàr adle bale!

9) Lasa star la roba ‘d chiàltar!

10) Sta mia bucàr le dòne ‘d chiàltar!

Ma soprattutto fa bel e fa a tu mod!!!

“Toh! - agh dis Dio - “ Fa ‘dle fotocopie e fale girar!”

L'è parola dal signur