Gesù e l'adultera (da La bibbia secondo il Lanfro)

...fonti MOOLTO apocrife dal deserto di Giudea...
(Ritrovamento del 09/08/2014)

Il Quinto Evangelista - Il Vangelo secondo il Lanfro

Gesù e l'adultera

I Farisei i'era sempar in ponga adme la stradale cul telelaser par cagnar al signur in castagna. An giuran a la basura intant che Gesu' Crist l'era dre' far dotrina a riva na patuglia da Farisei cun na dona malmaridada e i fa: "Chi le l'e' na spurcaciuna e su mari' al g'ha puse' coran dal padar da Bambi!"

"Eh, e' alura?!"

"E alura nualtar la vulema cupar a sgiaronade! Parche' insla bibia gh'e' scrit da lapidar le sbrodghe!"

"Ascultam chi, ciocapiat! - agh dis al Signur - a l'et lesida tuta la bibia o sol i titulun scrit in grand!?"

"Ma par Dio! Certo ch'a l'ho lesida tuta! Ho ciapa' trenta e lode in Deuteronomio-uno!"

"Alura ad dovresi saver che insla bibia a gh'e' scrit anca da mia cupar!"

"Ho capi! Ma s'a gh'ema da far tut quel ca dis la Bibia, andema pu' a let! A ie' trimila pagine!"

"Eh! E alura!?"

"Alura cupema l'adultera e andema tutti a imbutigliar prima ca cambia la luna!"

A cal punto chi Gesù Crist as fa serio e cun na scrufna da far paura as leva drit in pe, al tira su i bras e rivolt a tuti quei col giaron in man al fa:

"Chi di voi è senza peccato scagli la prima pietra!"

Uno a la volta i pogia tuti le prede part tera e i va via gnechi con la cua immes’a le gambe.

A la fin a resta tarche' Gesu' e l'adultera.

"Indu ei anda'?!" - admanda al Signur

"I'e anda' tuti a imbutigliar!" - rispund la dona cl’ea sugà na bela bugada

"Alura ti va a ca e to an po' ad bromuro!"

L'è parola dal signur