La fedeltà di Abramo

...fonti MOOLTO apocrife dal deserto di Giudea... 
(ritrovamento del 05/07/2008)

Il Quinto Evangelista - Il Vangelo secondo il Lanfro

La Fedeltà d'Abramo

Abramo l’era ormai vech, sguers e pien da dulur, e l’era ormai an per d’ani cl’andava in gir cul catetere tacà. An bel gioran al Signur agh dis: “Abramo! Ma cum’èla che ti e tu muier sì mai stà bun da far an fiol?!”

“Cusa vot cat diga mì – agh rispund Abramo – o che la corda l’è curta, o che ‘l pus l’è trop fund!!”

“A pudeu andar in Spagna a far l’inseminasiun artificiale!”- all’incalsa al Signur ca’lla tulea sempar in mes.

“M’era gnì na mesa voia da fat al regalo ad compleano e s’eri indecis tra na bela badante bielorusa e ‘n fiol - agh cunfida al Signur – ma ala fin ho pensà cl’era mei an fiol, parchè g’ho idea cat tiri i gambin prest!”

Fato sta ed è che Sara, la muier d’Abramo, in du e du quatar la resta in stato. Agh tuca pasar a let tuta la gravidansa, parchè la minàciava, ma ala fin la parturis an bel putin e igh met num Isacco. Dopo suquanti mes al Signur al ciama Abramo: “Abramo! Ciapa tu fiol, la gradela e rampa in sal Bondone!”

Abramo, sensa dir gnan’ pio, al carga al muso con gradela, carbunela e putin e’l part. Quand al riva insima al munt al sent la vus da Dio cagh dis: “Ades prepara al foch, metagh insima tu fiol e daml’in sacrifici.”

“Alura l’era mei la badante!” - al cumenta Abramo, cal ved bèla andar in fum al su regalo ad compleano – “con tut cal casin ch’ema fat par mètar al mund cal fiol chì …, at ghè propria dal buntemp!!” – al cuntinua a bruntular Abramo, intant cal finis da preparar le brase.

Ma prima che Abramo ‘l sacrifica su fiol, al Signur agh mola na scupasa in sal cupìn egh dis: ”Ascultam chi! Ma se mi at dighi d’andar in dal fos ti ‘gh vet?!”

“Dai valà!! Metì in sla gradela na qual fetina ‘d panseta, che mi trasfurmi i giarun in pulenta e festegiema la tu fedeltà!”

Ala fin Abramo ‘l se riciapà a la svelta, parchè l’unic sacrifisi cl’ha duvì far l’è sta vudar na damigiana ‘d malvasia.

L'è parola dal signur