An giuan cui besi

...fonti MOOLTO apocrife dal deserto di Giudea...
(ritrovamento del 27/02/2008)

An giuan cui besi 'l fa dumanda da discepul (Sbraiot 4-19)

An giuran d’istà, intant che Gesù e i so putlet i’era ‘dre szugar a spluket suta i’ulivi, a riva ‘n sciupà tut tirà cal varda al Signur e ‘gh fa: ”Gesù, posso venire con tè ?!”
“Parchè mi indu vaghi ?” – agh rispund al Signur
“Ovunque tu vada, mi piacerebbe aggiungermi al tuo gruppo di ascolto, per approfondire le tematiche relative allo spirito, all’anima e al senso della vita“ - al parlava ca pareva cal gh’es in buca dal Cimiciack.
“Ma el mia mei cat veghi a done?!” - a salta su Pietro cl’era mai bun da tasar.
“Ascultam chi Piersilvio - agh dis Gesù tirando na scupasa insla cutga a Pietro – finc’at zse moi va par acqua! T’la dis uno c’ha fat par trent’ani al marangun; va in gir a godat e magnagh fora tuti i besi a tu padar. Cusa vèt a catar fora lo spirito, l’anima e le bale ‘d Piciàcio?”
“Insisto nel volermi aggiungere al novero dei tuoi seguaci!” - al seguita cl’altar facia da stupid.
“Oh! Al mola mia!!!” - al dis cal pùcianàs da Pietro
“Pietro a set parchè t’ho ciamà Pietro?!!” - agh dis Gesù rabì negar
“No!”
“Parchè sat tasi mia at tiri na sgiaronada!!” – e po rivolto al giùan cui bèsi - “Sat vo vegnar cun mi, dà dentar al SUV, stramina suquanti vintìn a la Caritas, tirat via chi vestì da ambiguo e vegni in dal Getzemani ca fema an cularìn!”
Sarà sta par via dal SUV, sarà sta cal gheva mia muneda, saral mia sta bun da szugar a cularin... fato sta ed è che ‘l giuan, sensa dir bau, l’insaca i nedar el va via cun la cua immes’ale gambe.
Alura Gesù cun ‘i och a baialuna al sentensia: “Al gh’eva pran ragiun me Padar quand’ al ‘dzeva cl’è pusè facil che’n camel al pasa par la bùseta ‘dna gùcia, putost che ‘n siur al vaga in paradis …”
 
L'è parola dal signur